今晚亞冠盃A組頭場上演「韓日大戰」，由韓職球隊浦項制鐵主場迎戰日職勁旅大阪飛腳。浦項制鐵為爭取出線要焗攻，大阪飛腳弗爆唔怕同你駁火，捧2.5球入球大係最佳選擇。（周三晚6時開賽）文:法達斯維

經過3輪比賽，兩隊喺今屆亞冠盃A組成績各走極端，浦項制鐵3戰輸晒，上輪面對另一支日職球隊鹿島鹿角，明明上半場守得幾好，點知下半場崩潰，最終慘吞3蛋，最近5場比賽狂失10球，防線可謂形同虛設，日前亦同教頭朴泰夏解約，暫由助教金成宰頂上，但佢哋要搶奪出線資格，實在不容再失，藉主場之利必定要主動出擊，冒險搶攻力爭3分。

另邊廂，大阪飛腳雖然喺日職開季戰績低迷，不過嚟到亞冠盃表現卻判若兩隊，頭3輪賽事取得2勝1和佳績，出線形勢樂觀。事實上，大阪飛腳近期表現已有好轉，上場日職留力之下，作客守和實力分子町田澤維亞，擺明今仗會盡力爭勝，鞏固出線席位。老將宇佐美貴史狀態大勇，成為飛腳進攻最大殺器，加上客場踢法進取，近6場作客有4次開3球或以上，今場一於再追2.5球大盤。

鹿角弗到漏客W益里
尾場有武里南聯主場對鹿島鹿角，武里南聯頭3輪亞冠盃只得2和1負，包括上輪意外領先下，仍被另一支日職球隊大阪飛腳逼和1比1，全場捱打被對手作出24次攻門，能全身而退已執身彩，可見呢支泰甲球隊明顯未夠班。相反鹿角頭3輪亞冠盃贏晒之餘，更狂轟11球兼僅失1球，弗到冇朋友，今仗可乘勢反客為主，客勝有計。（周三晚8時15分開賽）